స్టార్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు'(Illu illalu pillalu). ఈ సీరియల్ మంగళవారం నాటి ఎపిసోడ్ -151 లో.....ప్రేమ , ధీరజ్ ఆటోలో ఇంటికి వస్తుంటే.. అదేంటి బైక్ పై వస్తున్నారని చెప్పారు.. ఆటోలో వచ్చారేంటని ధీరజ్ ని రామరాజు అడుగుతాడు. బైక్ ట్రబుల్ ఇచ్చింది. అందుకే పక్కన పెట్టి ఆటోలో వచ్చామాని ధీరజ్ చెప్తుంటే.. నీకు బాధ్యత తెలియదు.. ఏం తెలియదంటూ ధీరజ్ ని తిడతాడు రామరాజు. అలా తిడుతుంటే శ్రీవల్లి నవ్వుతుంది. అలా నవ్వడం ప్రేమ చూసి బాధపడి లోపలికి వెళ్ళిపోతుంది.

ప్రేమకి బాగోలేదు.. అందుకే ఇలా ఆటోలో వచ్చామని దీరజ్ చెప్తాడు. అయ్యో అవునా సరే వెళ్లి ప్రేమని చూసుకోమని రామరాజు అంటాడు. ఆ తర్వాత ఇలా అందరిముందు వాడిని తిట్టారు. వాడి భార్య ఫీల్ అవుతుందని రామరాజుతో అంటుంది వేదవతి. నా కొడుకుకి బాధ్యతలు చెప్పడం నా బాధ్యత అని రామరాజు అనేసి వెళ్ళిపోతాడు. ఆ తర్వాత సాగర్ కి ఫోన్ చేస్తుంది నర్మద. ఈవినింగ్ రెస్టారెంట్ కి వెళదామని నర్మదకి సాగర్ చెప్తాడు. రామరాజు దగ్గరికి సాగర్ వచ్చి.. నాన్న నాకు రెండు గంటలు పర్మిషన్ కావాలి.. నర్మద తో రెస్టారెంట్ కి వెళ్తానని అడుగుతాడు. ఇప్పుడు వద్దు మిల్ లో వర్క్ ఉందని అంటాడు. దాంతో సాగర్ డిస్సపాయింట్ అవుతాడు.

ఆ తర్వాత ప్రేమ బాధపడుతుంటే వేదవతి వచ్చి మాట్లాడుతుంది. ధీరజ్ ప్రేమ కోసం కొబ్బరి బొండాలు ఇంకా టాబ్లెట్ తీసుకొని వచ్చి ఇస్తాడు. ఎందుకు నువ్వు కష్టపడుతూ ఇవ్వన్నీ ఎందుకు తెచ్చావని ప్రేమ అడుగుతుంది. నువ్వు నా బాధ్యత అని ధీరజ్ అంటుంటే.. అతడి వంక ప్రేమగా చూస్తుంది ప్రేమ. మరోవైపు సాగర్ కోసం నర్మద వెయిట్ చేస్తుంది. తరువాయి భాగంలో సాగర్, నర్మద ఇద్దరు కలిసి రెస్టారెంట్ కి వెళ్తారు. అనుకోకుండా రామరాజు కూడ వెళ్తాడు. అక్కడ వాళ్ళని చూసి సాగర్ కి కాల్ చేస్తాడు. కానీ అతను లిఫ్ట్ చెయ్యడు. నేను వద్దన్నా వచ్చారని రామరాజు కోపంగా ఉంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.